招職 富爸爸系列 01

《富爸爸,窮爸爸》近來好hit, 在地鐵經常見後生仔咪,又成為暢銷書,緊係要快d睇,立即報料啦..

    睇落幾好睇,不過就有d欺騙成分. 書名引導我以為作者有兩個爸爸,一個有銀,一個莫財. 原來唔係. 窮爸爸就係親生爸爸,富爸爸只係朋友的爸爸, 頂多只算係師傅,無端端叫人做爸爸, 直情係取便宜. 不過, 識取便宜當然數口好, 一定要有料到.

睇完真係覺得作者又真係幾有料. 唔知係唔係睇到我們有金融風暴, 做中產階級真係慘情. 你知唔知作者講得幾刻薄. 他地話:
最挖苦當然係話, 大多數中產階級一生辛勤工作, 就係要供樓. 他們以為是一間屋係他們最大的資產, 但其實是他們最大的負債. 好多好多人住的樓並未真正擁有過, 好多人話, 初時供會辛苦d, 過幾年後, 加人工就會愈來愈輕鬆. 不過, 人工加了, 自然心思思改善居住環境, 於是每隔幾年就換樓, 直至金融風暴出現, 我們才醒悟人工可以長期無得加, 甚至會減,更甚至會失業. 利息又可以加到十幾二十厘,樓價更可以跌五六成,賣又唔係,供又供唔掂.

    而作者就覺得,最大的損失係機會損失, 學術d講就係買樓係涉及很大的機會成本 (Opportunity Cost)。如果我們將大部分收入放在層樓上，我們就不得不努力工作,唔敢轉去一份有好好前景,但初期要減人工的工作. 失去一個好機會的成本有幾高? 可以無限大!

    作者話,中產階級總是在財務問題掙扎，原因就係中產階級理財觀念有問題. 中產階級的主要收入是工資，而支出就傾向跟收入的增加而同等增加. 結果當人工突然下降甚至失業,簡直唔知點解救.

作者經常話,好多人以為房地產係資產,因而反覆進行投資，而不是投資真正資產上。那麼,什麼是『真正資產』? 作者的定義好簡單, 『真正資產』係能將錢放進你個袋的東西. 而負債係那些將錢從你個袋取走的東西. 換句話說,資產可以帶來收入.供起的樓,又租得出的樓才是資產. 未供起的樓好可能仍是負債.

作者不斷強調的是, 最重要的規則是搞清楚資產與負債之間的差別，明白了這種差別，我們便自然會盡力去只買入能夠帶來收入的資產，自然會走上致富之路。不斷地這種做，我們的資產就會不斷增加。同時要降低負債和支出，於是便會有更多的錢變成資產。